Биологиялық физиканың лабораториялық сабағына әдістемелік нұсқау

Биологиялық физиканың лабораториялық сабағына арналған методикалық нұсқауда әл-Фараби атындағы Қазақ ұлттық университетінде жүргізілетін биофизика курсының лабораториялық жұмыстарының әдістемелік нұсқаулары берілген. Лабораториялық жұмыстар кіші және арнайы биофизикалық практикумдарға арналған. Лабораториялық жұмыстарды орындау барысында аса қымбат құрал-жабдықтардың қажеттілігін талап етпейді, оқу лабораториясында орындауға қиыншылықтар тудырмайды. Әдістемелік нұсқауда биофизиканың негізгі тараулары: термодинамика, биологиялық жүйелердің электрөткізгіштігі, биоэлектрлік құбылыс, биологиялық жүйелерді зерттеудің фотометриялық әдістемесі, биологиядағы және медицинадағы лазерлер т.б. қарастырылған.
Әрбір жұмыстың соңында лабораториялық жұмыстардағы процестер мен құбылыстарды терең де кең түсінуге көмектесетін өзіндік бақылау сұрақтары беріледі.
Беріліп отырған әдістемелік нұсқау «Биология», «Биотехнология», «Экологиялық биофизика» мамандығында оқитын студенттерге арналған оқу құралы ретінде ұсынылады.